Villa Squad yaanza kujikomboa kutoshuka daraja

By Cliford Ndimbo (TBC)

Goli pekee lililofungwa na mshambuliaji Abu Ramadhani limetosha kabisa kuipa ushindi timu ya Villa Squad ya jijini Dar es salaam dhidi ya timu ya Polisi Morogoro na kuipa matumaini mema katika mzunguko huu wa pili wa ligi hiyo
Goli hilo lilifungwa katika dakika ya kumi ya mchezo kupindi cha kwanza katika mchezo ulikabiliwa na mvua kitu ambacho kilikuwa kikwazo kwa wchezaji kuonyesha soka safi
Matokeo hayo yameaanza kuleta moyo kwenye timu hiyo toka manispaa ya Kinondoni kama inaweza kubakia ligi kuu msimu ujao kwamaana toka mzunguko wa pili uanze timu hiyo imeshinda michezo miwili na kufungwa mchezo mmoja tu
Kwanza kabisa waliilaza timu ya Tanzania Prisons ya Mbeya bao 2- 0 na kufungwa na mnyama Simba na leo wameifunga timu ya Polisi Morogoro
Kwa matokeo hayo sasa Villa Squad imefikisha pointi 14 lakini bado ipo kwenye mstari mwekundu wa kushuka daraja pamoja na timu za Polisi Dodoma na Polisi Morogoro ambazo zote zinachukungulia kaburi
Tusubiri kuona kama timu hizo zitashuka daraja au kupona sie yetu macho na masikio …. kusikia
Kesho ligi hiyo inaendelea kwa kupigwa mchezo mmoja tu kwenye dimba hilo holo la taifa la zamani (Shamba la bibi) ambapo mabingwa watetezi na vinara wa ligi hiyo Yanga watakaocheza na timu ya Mtibwa Sugar toka Morogoro