Nkunda atiwa mikononi

By Zaituni Mkwama (TBC International Desk)

Kiongozi wa majeshi yaliyoungana kati ya majeshi ya RWANDA na Jamhuri ya kidemokrasi ya KONGO kufanya operasheni ya kuwasaka waasi amesema Kiongozi wa waasi katika Jamhuri ya Kidemokrasi ya KONGO –DRC LAURENT NKUNDA amekamatwa.

Amesema NKUNDA amekamatwa nchini RWANDA alipokimbilia wakati akijaribu kuwazuia wanajeshi wa RWANDA kufanya operesheni hiyo.

Mapema wiki hii askari wa RWANDA wameingia Mashariki mwa Jamhuri ya Kidemokrasi ya CONGO ikiwa ni sehemu ya mkataba uliofikiwa kati ya nchi hizo mbili wa kupambana na kikundi cha waasi wa kihutu wa RWANDA wanaofanya mashambulizi yao kutokea DRC.

Askari Elfu TATU MIA TANO wa RWANDA wameingia mashariki mwa DRC kuungana na wanajeshi wa DRC kuwanyanganya silaha waasi wa kihutu wa kundi la FDLR

Mwazoni mwa mwezi huu mnadhimu mkuu wa jeshi hilo la waasi Jenarali BOSCO NTAGANDA alitoa maelezo ya kupinduliwa kwa NKUNDA kwa madi kuwa NKUNDA si kiongozi anayefaa kwa kikundi hicho kutokana na kuwepo kwa utawala mbaya.

Hata hivyo NKUNDA alikanusha taarifa hizo na kueleza kuwa mnadhimu huyo ana makosa ya kukiasi kikundi hicho kwa kutoa taarifa za uongo na hausiki na madai ya kutaka kumpindua.

Mwezi August mwaka jana waasi hao walianzisha mashambulizi Mashariki mwa DRC ambapo zaidi ya watu laki mbili na nusu walikimbia makazi yao kwa kuhofia vita.


====