Messi aikana Real Madrid

Kiungo mshambuliaji wa timu ya Barcelona ya Hispania Muagentina Lionel Messi amekanusha habari zilizoenezwa eti yeye anampango wa kuihama timu hiyo na kujiunga na wapinzani wao wakubwa Real Madrid na kusema yeye hajui uvumi huo umeanzia wapi na nani alivumisha habari hizo
Akizungumza baada ya mchezo wa ligi ya Hispania kumalizika dhidi ya Numancia ambapo timu yake ilishinda bao 4 -1 Messi amesema yeye hanampango wa kuondoka Barcelona na hajui kama ipo siku ataondoka kwenye timu hiyo na kama ataondoka basi si matwakwa yake ni timu yake iamue kumuuza
Kinda huyo toka Kusini mwa America anasema toka alipokuwa mdogo malengo yake yalikuwa kuchezea Barcelona na anapenda kuendelea kubakia hapo katika maisha yake yote ya kucheza soka Sio Real Madrid tu wanaohusishwa na uhamisho wa Messi ila hata Inter Milan ya Italia nayo inasemekana ina nia ya kutaka kumsajili kijana huyo na hata kocha wake wa timu ya taifa ya Argentina Diego Maradona amewahi kusema muda umefika kwa kipenzi chake hicho kuhamia Italia na kuachana na soka la Hispania