Vigogo wa SADC wakutana Africa kusini kuiokoa Zimbawe

Viongozi wa Jumuiya ya Maendeleo Kusini mwa Afrika SADC wanaendelea na kikao chao cha dharura mjini PRETORIA, AFRIKA KUSINI kwa lengo la kutafuta njia za kutatua mgogoro wa kisiasa nchini ZIMBABWE.
Mkutano wa viongozi hao unafanyika kufuatia kikao cha hivi karibuni kati ya rais ROBERT MUGABE na MORGAN TSVANGIRAI kushindwa kufikia mapatano juuya mzozo wa kisiasa nchini ZIMBABWE
Akifungua mkutano huo mjini PRETORIA Mwenyekiti wa SADC Rais wa Afrika Kusini KGALEMA MONTLANTHE amesema ana matumaini kuwa viongozi wanachama wanaokutana hii leo watatumia fursa hiyo kuupatia suluhisho la kudumu mzozo wa kisiasa nchini ZIMBABWE ambao umesababisha adha kubwa kwa wananchi wa nchi hiyo ikiwa ni pamoja na matatizo ya kiuchumi.
MONTHLANTHE amesema awali ZIMBABWE ilikua mzalishaji mkubwa wa chakula na hata kusafirisha nje ya nchi lakini kwa sasa nchi hiyo inakabiliwa na uhaba mkubwa wa chakula hali inayosababisha adha kwa wananchi wa nchini hiyo kutokana na mzozo huo wa kisiasa
Mkutano huu wa viongozi wa SADC utakua mkutano wa NNE kufanywa na viongozi hao, wakizungumzia mzozo wa ZIMBABWE tangu uchaguzi mkuu wa mwezi Machi mwaka jana uliokabiliwa na utata. Kikao cha leo pia kinatarajiwa kutoa tamko la pamoja juu ya mzozo huo wa ZIMBABWE