Nahodha wa Taifa Stars kwenda kusaka maisha Ulaya

By Luis Sendeu TBC
Nahodha wa timu ya taifa ya Tanzania (TAIFA STARS) , Henry Joseph Shindika anatarajiwa kuondoka jumamosi wiki kwenda nchini NORWAY kwaajili ya kufanya majaribio ya kucheza soka la kulipwa nchini humo.Katibu mkuu wa shirikisho la soka la Tanzania (TFF) Fedrick Mwakalibela amesema mipango yote ya kwenda kufanyiwa majaribio katika klabu moja nchini humo imeshakamilika.Mwakalibela amesema kuondoka kwa mchezaji huyo kunafungua milango kwa wachezaji Wengine wa Tanzania katika kusa nafasi ya kucheza soka la kulipwa katika nchi za ulaya.
Mwakalibela pia ameelezea juu ya mchezaji Athuman Machupa ambaye naye anaondoka Jumamosi kwenda nchini DENMARK kufanya majaruibio katika klabu moja ambayo jina lake bado halijapatikana.Machupa ambaye amewahi kuichezea klabu ya Simba na timu ya taifa mara kwa mara alikuwa akichezea klabu ya Fanja iliyopo falme za kiaarabui katika michuano ya kombe la mafuta.Baadhi ya wadau wa soka hapa jijini Dar es salaam wamesema wachezaji wengi tu wa wengi wa timu ya taifa wanaweza kupata timu ya kucheza soka huko ulaya iwapo timu ya taifa, Taifa Stars itafanya vyema katika michuano ya mataifa bingwa barani Africa (CHAN) itakayofanyika mwezi ujao nchini IVORY COAST