Mnyama Simba azinduka bila Brazil

Michuano ya ligi ndogo ya shirikiso soka hapa Tanzania(TFF) iliyogawanywa katika makundi matatu ilishuhudia hapoa jana mnyama Simba akizunduka na kuitandika timu ya Tanzania Prisons kwa bao 3-0
Magoli yote ya timu ya Simba yalifungwa na kiungo wake mahili ambae ameonyesha kiwango kikubwa cha soka msimu huu Haruna Moshi(Boban) ambae hapo jana alicheza nafasi ya ushambuliaji akiziba nafasi ya mshambuliaji Joseph Kaniki anaetumikia adhabu ya kuwa na kadi nyekundu
Kocha msaidizi wa timu hiyo ambae hivi sasa amebakia peke yake baada ya kocha mkuu wa timu hiyo Mbrzil Nielsen Elias kuitema timu hiyo na kuondoka bila taarifa yeyote ile alisema vijana wake walicheza vizuri hapo jana baada kufuata maelekezo yake aliyoyatoa kabla ya mchezo
katika mchezo wa kwanza baina ya timu hizo matokeo yalikuwa ni sare ya kutofungana hivyo Simba wamejilekebisha na kufanikiwa kupata ushindio huo mkubwa wa magoli 3-0
katika kituo cha Dodoma timu ya Kagera Sugar nayo imezinduka baada ya kuifunga timu ya Pan Africa kutoka Dar Es Salaam(wazee wa mjini) bao 1-0 ,bao hilo peke la Kagera Sugar lilifungwa na Paul Ngwai katika dakika ya tatu ya mchezo
Ligi hiyo ndogo inaendele tena leo katika kituo cha Morogoro kwa mchezo mmoja baina ya Polisi Dodoma ambayo itaumaana na timu ya Ashant United (wauza mitumba wa Ilala) ambayo hapo jumamosi mchezo wao na timu ya Simba ulivunjika baada ya kuzuka vurugu