Wauza mitumba wamuua mnyama Simba

Wauza mitumba wa Ilala timu ya Ashant hapo jana walizihilisha kuwa wao ni mwamba kwa timu ya Simba baada ya kuinyuka timu hiyo bao 2-0 kwenye mchezo wa ligi ndogo ya TFF
Uzembe uliofanywa na mlinzi wa kati timu ya Simba Said Kokoo ulimpa nafasi mshambuliaji Mussa Kipao kuipatia timu yake ya Ashant United bao la kwanza katika dakika ya 18 na kuifanya timu yake iwe mbele kwa bao hilo moja hadi mapumziko
Ashant United walikomelea msumari wa moto na wa mwisho kwenye jeneza la timu ya Simba katika dakika ya 54 kupitia kwa mshambuliaji wake Patrick Mrope aliemzidi mbio mlinzi wa Simba Nurdin Bakari
Kwa matokeo hayo Ashant United imezihilisha uwamba wake kwa timu hiyo ya msimbazi kwamaana katika mchezo wa kwanza baina ya timu hizo haukumalizika baada ya mashabiki wa timu ya Simba kuanzisha vurugu na TFF ikaamuru kuipa Ashant United pont tatu na magoli mawili
Pia kwa matokeo hayo Ashant United imefanikiwa kuongoza kituo cha Morogoro kwa kuwa na point 13 na kufuatiwa na timu ya Simba yenye point 10
Timu hizo zote mbili zimefanikiwa kuingia hatua ya sita bora ambapo hivi sasa zinasubiria timu zingine nne kutoka katika vitua vya Arusha na Dodoma